Hewlêr (Rûdaw) - Polîsan doh bi şev Şaredariya Colemêrgê dorpêç kir, serê sibehê jî bi ser şaredariyê de girt. Hevşaredar Mehmet Siddik Akiş hat binçavkirin.
Li gorî nûçeya Ajansa Mezopotamyayê, bi sedan polîsan doh bi şev dora saet di 23.00yan Şaredariya Colemêrgê dorpêç kir.
Kolana ku şaredarî lê ye û hemû kolanên li derdorê ji aliyê polîsan ve hatin girtin.
Hat îdiakirin ku piştî dorpêçê vê sibehê serê sibehê deriyên şaredariyê hatine şikandin, bi ser şaredariyê de hatiye girtin.
Mehmet Siddik Akiş hat desteserkirin
Hat zanîn ku Hevşaredarê Colemêrgê Mehmet Siddik Akiş jî li Wanê hatiye desteserkirin.
DEM Partiyê daxuyanî da
Li hêla din, DEM Partiyê piştrast kir ku polîsan bi ser Şaredariya Colemêrgê de girtiye û Mehmet Siddik Akiş hatiye desteserkirin û got:
“Em vê têgihiştina qeyûmparêz red dikin. Gelê me 31ê Adarê bi rêyeke demokratîk nîşan da ku vê zîhniyeta qeyûmparêz nas nake.”
DEM Partiyê bang kir ku hemû kes helwesta xwe ya li beramberî vê yekê nîşan bide.
Partiya Gelan a Wekhevî û Demokrasiyê (DEM Partî) di Hilbijartinên Herêmî yên 31ê Adarê de Şaredariya Colemêrgê standibû.
Hevşaredarê #Colemêrg'ê Mehmet Siddik Akiş li Wanê hat desteserkirin
— RudawKurdi (@RudawKurdi) June 3, 2024
📌 Polîsan Şaredariya Colemêrgê dorpêç kir #MehmetSiddikAkişhttps://t.co/TE183GA371 pic.twitter.com/TbRl4vbZKG
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse