Guran êrişî keriyê pez kir: 63 mih mirar bûn

Navenda Nûçeyan- Li navçeya Elbakê ya Wanê guran êrişî keriyê pez kir û mihên ku li mêrgê diçêriyan 63 jê mirar kirin û 18 jî birîndar.

Li gor agahiyan li Taxa Ogulverenê mihên welatiyan 5 kîlometre dûrî bajêr rastî êrişa guran hatin.

Welatiyê bi navê Ziyattin Toprak, diyar kir ku ji ber baran û bagerê pez bûye du beş û dema şivan xeber daye çûne li pez geriyane lê piştî ku bi 20 kesan li qada 5 kîlometre 4 seetan geriyane 63 mihên mirarî û 18 jî birîndar dîtine.

Welatiyan mihên mirarî kom kirin û bi kepçeyê çal kirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger