Rûdaw
Hewlêr (Rûdaw) – Roja 3ê Gulanê, Roja Azadiya Çapameniyê ya Cîhanî ye, li gor Rêxistana Rojnamevanên Bêsînor li ser azadiya rojnamegeriyê, Iraq li cîhanê ji 188 welatan, 153emîn welat e ku çendîn binpêkirinên cur bi cur li dijî rojnamevanan hatine kirin.
Wezareta Derve ya Amerîkayê di raporta xwe ya salane de behsa qedexekirin û sekinandina karên medyayî yên Rûdawê ji aliyê hikûmeta Iraqê ve kiriye û ragihandiye ku azadiya rojnamegeriyê hatiye binpêkirin.
Herwiha di raportê de amaje bi wê yekê hatiye kirin ku meha Cotmeha 2017an Komîsyona Ragihandin û Gihandinê ya Hikûmeta Iraqê ji televîzyona Rûdawê xwestiye ku weşana xwe rawestîne û komîsyonê fermana rêgirtina karên peyamnêr û tîmên Rûdawê daye.
Li gor amara sala 2017an a Navenda Metro ya ji bo parastina mafê rojnamevanan li Herêma Kurdistanê 419 binpêkirin li hember 338 rojnamevan û dezgehanên ragihandinê hatine encamdan.
Li ser asta cîhanê jî, li gor raporta salane ya Rêxistina Rojnamevanên Bêsînor, welatên herî baş ên ji bo karê rojnamevaniyê û azadiya rojnamevaniyê; Fîlanda, Holanda û Norwec in.
Li hember wê jî çend welatên rojnamevaniya herî xirab jî, weke Tirkmenistan, Erître û Koreya Bakur hatine diyarkirin.
Ji bo desteberkirina azadiya rojnamevaniyê, bi biryara Neteweyên Yekbûyî, 3ê Gulanê ji sala 1991an ve weke Roja Azadiya Çapemeniyê hatiye diyarkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse