RIHA - Di dema kolandina kanalîzasyonê de karker di bin axê de man

Hewlêr (Rûdaw) - Li navçeya Serê Kaniyê ya parêzgeha Rihayê ya Bakurê Kurdistanê 4 karkeran dema ku kanalîzasyon dikola di bin axê de man.

Li taxa Bahçelîevlerê ya navçeya Serê Kaniyê di dema xebatên kanalîzasyonê de, ji ber sedemeke hîn nediyar, axa ku li derdora rêyê hatibûn komkirin bi ser karkeran de hilweşiya.

Parêzgarê Rihayê Hasan Işildak li ser bûyerê daxuyaniyek da û got:

"3 karker li cihê bûyerê mirin û rewşa karkerekî jî baş e."

Li ser agahdarkirinê, tîmên tenduristiyê û tîmên parastina sivîlan çûn cihê bûyerê.

Ji bo rizgarkirina karkerên ku di bin axê de mane tîman yekser dest bi xebatê kir.

#VÎDEO - Li navçeya Serê Kaniyê ya Rihayê di dema kolandina kanalîzasyonekê de çend karker di bin axê de man

🔴 Tîmên parastina sivîlan hewla rizgarkirina karkeran didin pic.twitter.com/panq7ZJILZ

— RudawKurdi (@RudawKurdi) April 3, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger