Hewlêr (Rûdaw) – Serokê Giştî yê Partiya Saadetê Temel Karamollaoglu bertek nîşanî biryara li ser Abdullah Zeydan da.
Piştî ku li Wanê mafê Abdullah Zeydan ê şaredarbûnê hat betalkirin û mazbata bi berbijêrê AK Partiyê Abdulahat Arvas hat dayîn gelek kes û aliyên siyasî bertekan nîşan didin.
Serokê Partiya Saadetê Temel Karamollaoglu jî li ser hesabê xwe yê tora civakî daxuyaniyek da û got:
“Di feraseta hikûmeta AK Partiyê ya demokrasî û edaletê de nakokî heye. Daraz li ser şaredarekî hilbijartî ji ber manîpulasyoneke beriya hilbijartinê bi 2 rojan biryara qedexeya siyasî dide.
Ev paşguhkirina îradeya neteweyî ye. Xelkê Wanê biryara xwe da û serokê xwe hilbijart. Darazê ji gotina YSKyê ya mimkûn e re got, na.
Ev lawaziya saziyên dewletê nîşan dide. Ev helwêst bi tevahî nayê qebûlkirin.”
Ak Parti iktidarının demokrasi ve adalet anlayışında bir tutarsızlık var. Seçilmiş bir belediye başkanını seçimden iki gün önce yapılan bir manipülasyon neticesinde yargı eliyle "siyasi yasaklı" hale getirmek; milli iradeyi yok saymaktır.
— Temel Karamollaoğlu (@T_Karamollaoglu) April 2, 2024
Van halkı kararını vermiş, başkanını…
Çi bûbû?
31ê Adarê li Tirkiye û Bakurê Kurdistanê hilbijartinên xwecihî hatin kirin.
Namzedê DEM Partiyê Abdullah Zeydan bi rêjeya ji sedî 55,48an bû serokê Şaredariya Bajarê Mezin a Wanê û DEM Partiyê her 14 şaredariyên Wanê standin.
Abdullah Zeydan dema ku parlamenterê HDPyê bû, sala 2016an hatibû girtin û bi Selahattîn Demîrtaş re zêdetirî 6 salan di Girtîgeha Edîrneyê de mabû.
Zeydan sala 2022yan hatibû berdanû piştî ku ji girtîgehê derketibû bi biryara dadgehê qedexeya li ser mafên xwe rakiribû û li ber namzedbûna wî ti asteng nemabûn.
Derket holê ku Wezareta Dadê ya Tirkiyeyê beriya hilbijartinan bi du rojan (29ê Adarê) îtirazî dadgehê kiriye û heman dadgehê jî ev biryara xwe betal kiriye.
Namzedê AK Partiyê Abdulahat Arvas jî li Wanê bi rêjeya ji sedî 27,15an bûbû duyem.
Lê Lijneya Hilbijartinan a Bajêr mazbataya şaredarbûnê da namzedê AK Partiyê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse