Hewlêr (Rûdaw) – Li navçeya Berwariyê (Xisxêr) ya Sêrtê piştî hilbijartinan şer û pevçûnan rû da.
Li gorî agahiyan, du malbatên xizm ên ku alîgirên Partiya DEVAyê û AK Partiyê ne bi çekan pev çûn.
Di van şer û pevçûnan de Dundan Bîlênê birayê Namzedê Şaredariya Berwariyê yê Partiya DEVAyê Îsmaîl Bîlen, Lokman Ozcanê birayê Serokê Şaredariya Berwariyê Tayyar Ozcan (ji AK Partiyê ye), Mustafa Ozcan û du biraziyên Lokman Ozcan bi çekan hatine birîndarkirin.
Tîmên tenduristiyê birîndarên ji malbata Ozcanan veguhastin nexweşxaneyên li Şirnexê.
Dundar Bîlen jî li Nexweşxaneya Perwerde û Lêkolînê ya Sêrtê tê tedawîkirin.
Alîkarê Serokê Giştî yê Partiya DEVAyê Mehmet Emîn Ekmen ragihand ku birînên Dundan Bîlen xedar in û rewşa wî ya tenduristiyê xerab e.
Qedexe hat ragihandin
Li hêla din, Parêzgariya Sêrtê li Berwarî û hemû gundên wê qedexeya derketinê ragihand.
Li gorî daxuyaniyê, qedexeyê 3yê Nîsanê saet 01:00ê dest pê kiriye û heta Parêzgarî fermaneke din bide dê berdewam bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse