Hewlêr (Rûdaw) - Li parêzgeha Mûşê otomobîleke parkkirî teqiya, şofêrê otomobîlê birîndar bû.
Li gorî zanyariyan şeva borî li Baxçeya Gel a Mûşê, otomobîleke parkkirî ji ber sedemeke nediyar teqiya.
Di teqînê de otomobîl têk çû. Şofêrê otomobîlê Hamza Guresmer jî birîndar bû û di otomobîlê de asê ma.
Li ser agahdarkirinê tîmên tenduristiyê û şaredariyê çûn cihê bûyerê.
Şofêrê birîndar ji aliyê tîmên şaredariyê ve ji cihê ku asê maye hat derxistin û tîman ew bir Nexweşxaneya Dewletê ya Mûşê.
Karmendê Parastina Sivîlan a Şaredariya Mûşê Serdar Soylu ragihand, piştî ku hatine agahdarkirin ew yekser çûne cihê bûyerê û got:
“Şofêr di otomobîlê de asê mabû. Me ew derxist û radestî tîmên tenduristiyê kir. Rewşa birîndar baş bû.”
Hat ragihandin ku ji bo diyarkirina sedemên teqînê dest bi lêkolînê hatiye kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse