Wezareta Parastinê ya Tirkiyeyê kuştina leşkerekî xwe ragihand
Hewlêr (Rûdaw) - Leşkerekî Tirkiyeyê ku çawişê pispor bû li Herêma Kurdistanê hat kuştin û 2 leşker jî birîndar bûn.
Wezareta Parastinê ya Tirkiyeyê ragihand li herêma “operasyona” artêşa wan a li Herêma Kurdistanê PKKyê êrişî hêzên wan kiriye.
Di encamê de çawişê pispor Kadir Dingil hatiye kuştin û 2 leşker jî birîndar bûne.
Wezareta Parastinê ya Tirkiyeyê 18ê Nîsana 2022yan ragihandibû ku li Metîna, Zap û Avaşînê yên herêmên sînorî yên Herêma Kurdistanê “operasyona Pençe-Kilîl” daye destpêkirin.