Civîna Nêçîrvan Barzanî Balyozê Rûsyayê yê Îraqê/Wêne: Rûdaw Grafîk
Hewlêr (Rûdaw) – Serokê Herêma Kurdistanê Nêçîrvan Barzanî û Balyozê Rûsyayê yê Îraqê Elbrus Kutrashev li Hewlêrê civiyan.
Serokê Herêma Kurdistanê Nêçîrvan Barzanî û Balyozê Rûsyayê yê Îraqê Elbrus Kutrashev pêwendiyên Hewlêr û Bexdayê, hilbijartinên Parlamentoya Kurdistanê, gotûbêjên aliyên siyasî yên ji bo avakirina hikûmetê û civîna yekem a Parlamentoya Kurdistanê gotûbêj kirin.
Serokatiya Herêma Kurdistanê li ser civînê daxuyaniyek belav kir.
Serokatiyê di daxuyaniya xwe de ragihand:
“Nêçîrvan Barzanî û Balyozê Rûsyayê yê Îraqê Elbrus Kutrashev pêwendiyên Rûsyayê yên bi Îraq û Herêma Kurdistanê re gotûbêj kirin û tekezî li ser bipêşxistina hevkariyên di warên cuda de kir.”
Har diyarkirin ku her du alî li ser pêwendiyên Hewlêr û Bexdayê, hilbijartinên Parlamentoya Kurdistanê, gotûbêjên aliyên siyasî yên ji bo avakirina kabîneya nû û civîna yekem a Parlamentoyê ku îro hat lidarxistin axivîn.
Her wiha aloziyên li Rojhilata Navîn, bi taybetî rewşa Sûriyeyê û bandorên wê yên herêmî mijarên din ên civînê bûn.
Di civînê de Konsulê Giştî yê Rûsyayê yê Herêma Kurdistanê jî amade bû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse