Hewlêr (Rûdaw) - Grûpeke çekdar a ser bi Tirkiyê dest daniye ser 17 hezar darzeytûnên hejmarek cotkarên Kurd li nahiyeya Cindirêsê ya Efrînê.
Rêxistina Mafê Mirovan-Efrînê ragihand ku grûpa Ceyş el-Şerqiye ya girêdayî Tirkiyê dest daniye ser 17 darzeytûnên hejmarek welatiyên Kurd li 6 gundên nahiyeya Cindirêsê ya herêma Efrînê.
Li gor Rêxistina navborî, çekdarên el-Şerqiye dest danîne ser darzeytûnên welatiyên Kurd ên ji neçarî koçber bûne.
Ew darzeytûnên ku hatine talankirin li gundên Qîlê, Bircikê, Çeqelê Cûmê, Miswkê Jorîn, Miskê Jêrîn û Sindiyankê.
Herêma Efrînê ya Rojavayê Kurdistanê ji 18ê Adara 2018 ve û piştî êrîşekê ku 58 rojan dom kir, di kontrola hêzên artêşa Tirkiyê û komên çekdar ên opozisyona Sûriyê de ku Enqere piştevaniya wan dike, ye.
Ji dema kontrolkirina Efrînê ji aliyê Tirkiyê û komên çekdar ve, bi dehan haletên binpêkirina mafên mirovan li hember welatiyên resen ên herêmê ku Kurd in, hatine kirin û rêxistinên mafên mirovan ên herêmî û cîhanî li ser wan binpêkirina raport belav kirine.
Ji herêma Efrînê tenê 12 gundên nahiyeyên Şêrawa û Şera di destê hêzên Kurdî û Rêveberiya Xweser de mane û niha ji aliyê rêveberiya li Kantona Şehbayê ve tên birêvebirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse