Hewlêr (Rûdaw) - Li parêzgeha Wanê ya Bakurê Kurdistanê, meha borî bi hinceta qaçaxçîtiya koçberan 26 kes hatin girtin.
Rêveberiya Ewlehiyê ya Wanê ragihand ku kar û xebatên rêgirîkirina koçberên neyasayî berdewam in.
Li gorî Rêveberiya Ewlehiyê, li tevahiya parêzgehê ji bo desteserkirina qaçaxçî û koçberan di navbera 1-30ê Îlonê de 14 operasyonên cuda hatine kirin.
Di operasyonan de bi hinceta “qaçaxçîtiya koçberan û bazirganiya mirovan” 41 kes hatin desteserkirin û ew birin Rêveberiya Ewlekariyê ya Wanê.
Piştî karên îfadedayînê 41 kes ji bo Dadgeha Wanê hatin şandin.
Dadgehê ji bo 26 kesan biryara girtinê da û 15 kes jî berdan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse