Hewlêr (Rûdaw) - Saziya Keşnasiyê ya Tirkiyeyê ragihand ku dê li piraniya bajarên Tirkiye û Bakurê Kurdistanê û pileya germahiyê dakeve û baraneke gur bibare.
Li gorî Saziya Keşnasiyê, di serî de Erzirom, Qers, Meletî, Sêwaz, Erzingan, Xarpêt, Wan, Amed, Dîlok, Sêrt, Dêrsîm, Riha û Şirnex, li piraniya bajarên Bakurê Kurdistanê barana gur dibare.
Li Bakurê Kurdistanê pileya germahiyê jî li gorî demsalê di navbera 3-5 pileyan de dadikeve.
Li Wanê pileya germahiyê heta 17 û li Qersê heta 19an dadikeve.
Herwiha ji bo Herêma Deryaya Reş a Tirkiyeyê jî hişyariya lehî û aloziya trafîkê hat dayîn.
Ji welatiyan hat xwestin ku tedbîrên pêwîst wergirin.
Ji bo bajarên Artvîn, Gîresun, Kocaelî, Ordu, Rîze, Sakarya, Samsûn, Trabzon, Zonguldak, Bartin û Duzceyê di asta “zer” û “pirteqalî” de hişyarî hat dayîn.
Li gorî Saziya Keşnasiyê ji bilî bajarên li ser sînorê Yûnanistan û Deryaya Egeyê li hemû bajarên Tirkiye û Bakurê Kurdistanê baran dibare.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse