Alîkarê Erdogan li ser Hekîm Luqman daxuyanî da

Hewlêr (Rûdaw) – Cevdet Yilmazê Alîkarê Recep Tayyîp Erdogan got ku pêwendiya kuştina Hekîm Luqman bi axaftina bi Kurdî re nîne.

Kesekî ji Dihokê yê bi navê Hekîm Luqman li Stenbolê bi kêrê hat kuştin.

Pismam û xizmên Hekîm Luqman ji Rûdawê re dabû zanîn ku ew ji ber axaftina bi Kurdî hatiye kuştin.

Alîkarê Serokkomarê Tirkiyeyê Cevdet Yilmaz bi rêya hesabê xwe yê Xê li ser mijarê daxuyaniyeke nivîskî belav kir.

Cevdet Yilmaz got ku gotinên bi rengê “Karsazê Dihokî tenê ji ber ku bi zimanê xwe yê dayîkê axiviye hatiye kuştin” ne rast in û provokasyon in.

Li gorî Yilmaz, “Ti pirsgirêka wan bi wan kesan re nîne ku bi Kurdî diaxivin.”

Alîkarê Erdogan got, “Tirkî zimanê me yê fermî û hevpar e” û îdia kir ku hikûmeta wan qedexeyên li ser Kurdiyê rakirine.

“Em dê li dijî derkevin”

Cevdet Yilmaz di berdewamiya daxuyaniya xwe de diyar kir:

“Heke kesek tenê ji ber ku bi Kurdî axiviye rastî êrişê were em dê hemû li dijî vê derkevin û dê ji aliyê hiqûqî ve tiştê pêwîst were kirin.”

Yilmaz got, “Gumanbar welatiyekî me yê ji Êlihê ye. Li gorî lêkolînên destpêkê ti pêwendiya bûyerê bi axaftina bi Kurdî re nîne.”

Xizmên Hekîm: Sedem axaftina bi Kurdî ye

Divê were gotin ku li gorî daxuyaniyên şahidan 10-12 kesan êrişî Hekîm Luqman kiriye û sedem jî axaftina bi Kurdî ye.

Hekîm Luqmanê Dihokî li Stenbolê hat kuştin

🎤Ji ber ku bi #Kurdî axiviye 3-4 kêr li dilê wî xistine

🎤 Xelkê temaşe kiriye, ambulans dereng hatiye

🎤 Medyaya Tirkiyeyê qet behsa bûyerê nake

🎤Nûçegihanê Rûdawê Omer Sonmez li Stenbolê bûyerê dişopîne û agahiyên herî nû dide pic.twitter.com/AOSzJ2KV0r

— RudawKurdi (@RudawKurdi) September 1, 2024

Muhsîn Tewfîqê pismamê Hekîm Luqman ragihandibû:

“Hekîm bi telefonê li gel xizmên me yên Brîtanyayê diaxivî û ew hatin wekî bêjin kafir in û wan li me xist.

Ez bi Tirkî nizanim lê Hekîm dizanî, wî got ev heqaretê li me dikin. Paşê hemû hatin û wan êriş kir.”

Pismamê Hekîm Luqman: "Divê Hikûmeta Herêma Kurdistanê jî biaxive. Birayê min bê sedem hat kuştin

Birayê min bi Kurdî diaxivî, ji nişka ve 10-12 kesan êrişî me kir

📌 Wan birayê min bê sedem kuşt! pic.twitter.com/iuHSnsCVCd

— RudawKurdi (@RudawKurdi) September 1, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger