Hewlêr (Rûdaw) - Kurd li parêzgeha Kerkûkê ya Başûrê Kurdistanê li dijî girtina rêyên bajêr xwepêşandanekê li dar dixin.
Di xwepêşandana Kurdan a Kerkûkê de artêşa Iraqê berê çekên xwe da xwepêşanderên Kurd û gule reşandin.
Nûçegihanê Rûdawê ragihand ku di nava xwepêşanderan de çend birîndar hene.
Rêyên nav bajarê Kerkûkê ji aliyê alîgirên Heşdî Şeibî ve ev çend roj in hatine girtin.
Alîgirên Heşdî Şeibiyê çend roj in çend rêyên nav bajarê Kerkûkê girtine.
Alîgirên Heşdî Şeibiyê yên ku ji Ereb û Tirkmenan pêk tên li dijî vegera Partiya Demokrata Kurdistanê (PDK) ne.
Xwepêşanderên alîgirên Heşdî Şeibiyê diyar kirin ku heta biryara vegera PDKyê neyê hilweşandin, ew dest ji xwepêşandanan bernadin.
Li aliyê din, Kurdan jî li Kerkûkê li dijî girtina rêyan dest bi xwepêşandanan kir.
Xwepêşanderên Kurd ên ku ji Rûdawê re axivîn, ragihandin ku girtina rêyan a ji aliyê alîgirên Heşdî Şeibiyê ve bûye sedema rawestana karê wan.
Xwepêşanderekî din ê Kurd got: “Em hatine derve ku li vî bajarî mafê Kurdan were dayîn.”
Xwepêşanderên Kurd û alîgirên Heşdî Şeibiyê yên ku ji Ereb û Tirkmenan pêk tên di nava bajarê Kerkûkê de gelekî nêzîkî hev bûne.
Ciwanekî #Kurd ê #Kerkûk'î hêrs bûye û dibêje: Xelkê başûrê #Îraq'ê hatiye û li taxên Kurdan rêyên me girtine
— RudawKurdi (@RudawKurdi) September 2, 2023
Ciwanekî din jî got: Em hatine derve ku li vî bajarî mafê Kurdan were dayîn pic.twitter.com/zbKHpN7lcl
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse