Hewlêr (Rûdaw) - Sezgîn Tanrikulu ragihand ku di 7 mehên destpêka îsal de mafê jiyanê yê hezar û 326 kesan hatiye binpêkirin.
Parlamenterê Partiya Gel a Komarî (CHP) yê Amedê Sezgîn Tanrikulu ji bo 1ê Îlonê Roja Aştiyê ya Cîhanê amarên 7 mehên destpêka îsal ên derbarê binpêkirinên mafên mirovan de yên li Tirkiye û Bakurê Kurdistanê eşkere kirin.
7 kesan ji ber helwêst û gotinên kîn û nefretê canê xwe ji dest daye
Li gorî amarên Tanrikulu di 7 mehên destpêka îsal de li Tirkiye û Bakurê Kurdistanê mafê jiyanê yê hezar û 326 kesan hatiye binpêkirin.
Ji wan 2 jê zarok 7 kesan ji ber helwêst û gotinên kîn û nefretê canê xwe ji dest daye.
5 kesan dema ku desteserkirî bûn, 19 kesan li girtîgehê, 4 kesan bi guleya hêzên ewlehiyê û pêlêkirina mayînan û 10 kesan jî bi guleyên ji berxwe ve hatine berdan, canê xwe ji dest daye.
Bi gotina Tanrikulu 35 kesan ji ber xemsariyê û hezar û 51 kesan jî li ser kar canê xwe ji dest daye.
189 jin jî di bûyerên tundûtûjya li dijî jinan de hatine kuştin.
Li gorî Sezgîn Tanrikulu di 7 mehên destpêkê ya îsal de 2 jê zarok 6 koçberan jî canê xwe ji dest daye.
“Welatê me aştiya xwe ya civakî û navxwe ji dest daye”
Parlamenterê CHPyê yê Amedê Sezgîn Tanrikulu got:
“Cîhan aştiya xwe bi bîr tîne û welatê me li aştiya xwe digere. Cîhan bûye erdnîgariya şeran.
Welatê me aştiya xwe ya civakî û navxwe ji dest daye.
Gotinên nefretê, operasyon û helwêsta dijber bûye armanc û amûra sereke ya siyasetê.
Em li welatê xwe rojane rastî mirin û rûbirûbûnan tên.
Binêrin tenê îsal hezar 326 kesan ji ber sedemên cuda canê xwe ji dest daye.
Di kuştinên jinan û kar de ji ber bikaranîna hêza zêde û li girtîgehan canê xwe ji dest daye.
Mixabin em rê li ber vê nagirin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse