Hewlêr (Rûdaw) – Li Amedê makerek du rojan ji ber serê dehşika xwe ya ku di qezayekê mir ranebû.
Li navçeya Bismilê ya Ameda Bakurê Kurdistanê, kerek û dehşika xwe derbasî aliyê din ê dibûn lê otomobîlekê li dehşika wê xist û ew kuşt.
Ajokarê otomobîlê ji cihê qezayê reviya lê maker du rojan ji ber serê dehşika xwe neçû.
Xelkê li derdorê ka, ceh û av da makera ku li cem termê dehşika xwe mabû û dîmenên wan kêliyan bi telefonên xwe qeyd kirin.
Li gorî nûçeya DHAyê, piştî ku maker ji wê derê neçû xelkê xeber da şaredariyê.
Ekîbên şaredariyê termê dehşikê bin ax kir û maker gihand xwediyê wê.
Xwediyên kerê jî got ku ew du rojan li kera xwe geriyane û wan spasiya tîmên şaredariyê kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse