Şerê li Xurmatû (Wêne: Taybet bo Rûdawê hatiye şandin)
Hewlêr (Rûdaw) - Li Xurmatû şer di navbera Erebên hawirde û Kurdan de çê bû. Erebên hawirde vegeriyane sînorê Daqûq û Xurmatû ji ber hindê alozî çê bûye.
Melbenda 16 a Yekîtiya Niştimaniya Kurdistanê (YNK) ragihand, Erebên hawirde bi hevkariya artêşa Iraqê hatine û teqe li rûniştvanên Kurd li navçeyê kirine.
Li gor zanyariyan nêzikî 15 malbatên Erebên haride bi niyaza niştecihbûnê çûne gundekî di navbera Daqûq û Xurmatû, lêbelê rûniştvanên gund ku Kurd li dij derketine.
Mela Kerîm Şikur, Berpirsê Melbenda 16 a YNKê li Xurmatû ji Rûdawê re ragihand, îro, 02.08.2020, di demjimêrên sibehê de, 15 malbatên Erebên hawirde bi niyaza niştecihbûnê çûne sînorê gundê Kulî Tepe ku gundekî Kurdnişîn e û dikeve navbera Daqûq û Xurmatû.
Gundê Kulî Tepe, bi gotina Mela Kerîm Şikur, di salên 90î de hatiye Erebkirin û navê wî jî guhertine bo Mihawş, lê piştî 2003 ku hikûmeta Beas rûxa, Erebên hawirde gund bicî hiştiine û rûniştvanên gund ên Kurd vegeriyane.
Mela Kerîm Şikur dibêje, “Erebên hawirde vê sibehê bi hevkariya hêzên hikûmeta Iraqê vegeriyane û bi niyaz in dûbare zeviyên cotkarên Kurd dagîr bikin.”
Berpirsê Melbenda 16 a YNKê dibêje, “Artêşa Iraqê ji bo piştevanîkirina Erebên hawirde teqe li rûniştvanên navçeyê yên Kurd de kiriye. Em jî ji bo piştevaniya Kurdên li navçeyê diçîne wî gundî û em rê nadin ew Erebên hawirde vegerin navçeyê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse