Alexander Schallenberg: Piştgiriya Awisturyayê dê ji bo Herêma Kurdistanê berdewam bike

Hewlêr (Rûdaw)- Serokê Herêma Kurdistanê Nêçîrvan Barzanî û Wezîrê Karên Derve yê Awisturyayê Alexander Schallenberg li Viyanayê hevdîtinek kir.

Di civînê de Alexander Schallenberg eşkere kir ku dê piştgiriya Awisturyayê ya ji bo Îraq û Herêma Kurdistanê berdewam bike.

Serokatiya Herêma Kurdistanê li ser civîna bi Nêçîrvan Barzanî û Alexander Schallenberg re daxuyaniyek belav kir.

Li gorî daxuyaniyê, di civînê de tekezî li bihêzkirina pêwendiyên aborî û siyasî yên Awisturya, Îraq û Herêma Kurdistanê hat kirin.

Her wiha rewşa siyasî ya Îraqê û Herêma Kurdistan hat gotûbêjkirin û behsa rola Awisturyayê ya di nava Hevpeymaniya Navneteweyî ya şerê li dijî DAIŞê de hat kirin.

Li gorî zanyariyên Nûçegîhanê Rûdawê yê Almanyayê Zinar Şîno, Serokê Dîwana Serokatiya Herêma Kurdistanê Fewzî Herîrî, Şêwirmendê Serokê Herêma Kurdistanê Felah Mistefa, Nûnerê Hikûmeta Herêma Kurdistanê tê Viyanayê Mistefa Remezan û Balyozê Îraqê yê Viyanayê di şandeya Nêçîrvan Barzanî de cih digirin.

Zinar Şîno da zanîn ku di civînan de behsa pêwendiyên Herêma Kurdistanê û Awisturyayê û rewşa siyasî ya Ewropa û Rojhilata Navîn dê civînê de were gotûbêjkirin.

Li gorî gotina Zinar Şînor ji bilî pêwendiyên siyasî, Awisturya dixwaze hejmara kompanyayên wê li Herêma Kurdistanê zêde bibin.

Serokê Herêma Kurdistanê Nêçîrvan Barzanî ji bo hinek hevdîtinên fermî doh çûbû Awisturyayê.

Nêçîrvan Barzanî li Balafirgeha Viyanayê bi Alaya Kurdistanê hatibû pêşwazîkirin.

Serokê Herêma #Kurdistan'ê Nêçîrvan Barzanî û Wezîrê Karên Derve yê Awisturyayê Alexander Schallenberg li Viyanayê hevdîtinek kir pic.twitter.com/bZi00fcMOw

— RudawKurdi (@RudawKurdi) July 2, 2024

Li aliyê din Wezîrê Karên Derve yê Awisturyayê Alexander Schallenberg jî derbarê hevdîtina xwe ya bi Nêçîrvan Barzanî re li ser hesabê xwe yê Xê daxuyaniyek belav kir.

Alexander Schallenberg ji ber serdana Nêçîrvan Barzanî ya bo Viyanayê kêfxweşiya xwe anî ziman û wiha got:

“Pêşhatên li Rojhilata Navîn, koçberî û xurtkirina hevkariyên aborî hatin gotûbêjkirin.

Awisturya, Herêma Kurdistanê jî di nav de pabendî aramiya Îraqê ye.”

Great to welcome @IKRPresident Nêçîrwan Barzani to Vienna after my visit in #Erbil!

Discussed developments in the Middle East, migration and intensified economic cooperation. Austria is commited to #Iraq's stability, including the @Kurdistan Region. pic.twitter.com/Oo1lpdzOYQ

— Alexander Schallenberg (@a_schallenberg) July 2, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger