Li Kampa Xanikê teqîn: Mirî û birîndar hene
Hewlêr (Rûdaw) – Li Kampa Xanikê ya li Dihokê teqînekê rû da, li gorî agahiyên destpêkê mirî û birîndar hene.
Birevebirê Saziya Koç û Koçberan a Dihokê Pîr Deyan li ser bûyerê got, “Di encama teqîna cilşoyekê de jineke 37 salî miriye.”
Çavkaniyeke ji hêzên ewlehiyê ya ku nexwest navê xwe eşkere bike jî Rûdawê re got:
“Hêzên ewlehiyê çûne cihê bûyerê û lêkolînan dest pêkiriye. Guman heye ku mayîn teqiyabe.”
Heman çavkaniyê da zanîn, “Jinek miriye û çend birîndar hene.”
Beşek ji Şingaliyên ku piştî êrişa DAIŞê ya sala 2014an ji cih û warê xwe bûne li Kampa Xanikê dimînin.