Hewlêr (Rûdaw) - Bêyî beşdariya fraksiyona Nînowaya Yekgirtî ku Partiya Demokrat a Kurdistanê (PDK) jî di nava wê de ye 14 postên rêveberiyan hatin guhertin û qeymeqamên qezayên Şingal û Mexmûrê jî hatin hilbijartin.
Îşev Encûmena Parêzgariya Nînowayê civiya û di civînê de birêverêven girêdayî parêzgeha Nînowayê hatin hilbihjartin.
Li gorî hilbijartinên Encûmena Parêzgariya Nînowayê, navê wan kesên ji bo postên hatine diyarkirin wisa ne:
Seydo Xeyrî Ehmed: Qeymeqamê navçeya Şingalê
Amir Mistefa: Birêveberê nahyeya Nemrûdê
Elî Salih: Qeymeqamê navçeya Hezerê
Xalib Elî: Birêveberê nahyeya Qeracê
Şîlan Ebdulrezaq Salih: Birêvebera Nahyeya Beacê
Serdar Siyamend Ebidula: Qeymeqamê Mexmûrê
Usame Şahr Ehmed: Birêveberê nahyeya Geyareyê
Samir Yûsif Hebîb: Qaymeqamê navçeya Hemdaniyeyê
Tariq Derk Xelûf: Birêveberê nahya Tel Felahê
Qenber Elî: Birêveberê nahya Bertileyê
Dawid Cundî: Birêveberê nahiyeya Sinûnê
Weyd Xelîl Ehmed: Birêveberê nahiyeya Zûmarê
Yasir Esaf Hesen: Birêveberê nahiyeya Wanikê
Ziyad Teha Mehmûd: Birêveberê nahya Hemam Elîl
Seîd Zeyin Abdîn: Birêveberê Yaziyeyê
Yekîtiya Niştimanî ya Kuirdistanê (YNK) li Encûmena Parêzgeha Nînowayê xwediyê 2 kursiyan e û di vê hilbijartinê de 3 post bi dest xistine.
Namzedên YNKyê postên qeymaqamiya Mexmûr, birêveberiyên Sinûnê û Wanikê bi dest xistine.
Endamê Encûmena Parêzgeha Ehmed Dûberdanî ku ser bi PDKyê ve ye ji Rûdawê re axivî û eşkere kir ku fraksiyona Neynowayê Yekgirtî civîna encûmenê boykot kir.
Ehmed Dûberdanî amaje bi wê yekê kir ku ew kesê ji bo qeymeqamiya Şingalê hatiye hilbijartin nêzîkî Heşdî Şabiyê ye.
Ehmed Dûberdanî di berdewamiya axaftina xwe de da zanîn ku ew civîna encûmena parêzgariyê ne yasayî bû.
Endamê Encûmena Nînowayê Wîsam Salimê endamê YNKyê ye û beşdarî civînê bûbû ji Rûdawê re axivî.
Wîsam Salim da zanîn ku ew postên YNKyê wergirtine mafên wê ne. Her aliyek azad bû beşdarî civînê bibe yan jî nebe.
Endamê fraksiyona Nînowaya Yekgirtî Şêx Ehmed Ebid Rebe jî ji Rûdawê re axivî.
Şêx Ehmed Ebid Rebe da zanîn ku Fraksiyona Nînowaya Yekgirtî ji ber kiryarên neyasayî yên aliyê din di hilbijartin û destnîşankirina birêveberên îdarî de endamtiya xwe ya di encumenê de rawestand.
Ji sala 2017an ve posta qeymeqamiya Şingalê vala bû.
Yek ji xalên peymana Şingalê ya navbera Îraqê û Herêma Kurdistanê ew bû ku qeymeqamek ji bo Şingalê were hilbijartin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse