Hewlêr (Rûdaw) - Çekdarên opozisyona Sûriyê yên girêdayî Tirkiyê û Erebên hawirde goristana gundekî Efrînê têk dane, da ku kevir û mermerên wê bidizin.
Rêxistina Mafên Mirovan a Efrînê ragihandiye ku çekdar û Erebên hawirde goristana Ini-zlî ya gundê Dode yê li navçeya Meydana têk dane.
Li gorî heman rêxistinê, têkdana goristanê bi mebesta diziya kevirên mermer ên gorên miriyan e.
Li gorî Rêxistina Mafên Mirovan a Efrînê berê jî, grûpên çekdar û Erebên hawirde, li goristanên gundên Şêx Urzê, û mezargeha Şêx Hemîd li Qestel Cindo û bi dehan mezargeh û goristanên din ên li herêma Efrînê têk dane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse