4 çekdarên 26ê Hezîranê êrîşî dadgeha Dêrikê kiribûn
Hewlêr (Rûdaw) - Li najarê Dêrikê yê Rojavayê Kurdistanê, herçar kesên ku êrîşî dadgehê kiribûn ji bo dîwana dadgeha civakî hatin radestkirin.
Di daxuyaniyekê de, Ofîsa Ragihandina Encûmena Dadweriya Civakî ragihand herçar kesên ku êrîşî dadgeha Dêrikê kiribûn ji bo dîwana dadgeha civakî hatin radestkirin.
Li gor daxuyanî, piştî bidawîhatina lêkolînan li gel herçar kesên çekdar, ew ji bo dîwana dadweriya civakî hatine kirin.
Herçar çekdarên ku roja 26ê Hezîranê êrîşî dadgeha Dêrikê kiribûn da ku kesekî ji malabata xwe, ku bi diziyê tohmetbarkirî bû azad bikin, bi tohmeta êrîşa çekdarî û girtina karmendan wek rehîne, ji bo dadweriyê hatine radestkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse