![Serokê Herêma Kurdistanê, Nêçîrvan Barzanî û Konsulê Giştî yê Brîtanya li Hewlêrê James Thornton Serokê Herêma Kurdistanê, Nêçîrvan Barzanî û Konsulê Giştî yê Brîtanya li Hewlêrê James Thornton](https://www.rudaw.net/s3/rudaw.net/ContentFiles/515796Image1.jpg?mode=crop&quality=70&rand=1&scale=both&w=752&h=472&version=3658914)
Serokê Herêma Kurdistanê, Nêçîrvan Barzanî û Konsulê Giştî yê Brîtanya li Hewlêrê James Thornton
Hewlêr (Rûdaw) – Serokê Herêma Kurdistanê, Nêçîrvan Barzanî îro li ofîsa xwe li Hewlêrê pêşwazî Konsulê Giştî yê Brîtanya li Hewlêrê James Thornton kir û di civînekê de ligel wî pêşhatên herî dawî û bandorên vîrusa koronayê li navçeyê gotûbêj kir.
Li gor daxuyaniya Serokatiya Herêma Kurdistanê, di vê hevdîtinê de pêşhatên herî dawî û belavbûna pandemiy vîrusa koronayê û rêkarên rûbirûbûna wê li Herêma Kurdistan û Iraqê û bandor û encamên wê û hemû aliyên wê, bi taybetî li ser rewşa aborî, hat gotûbêjkirin.
Serokê Herêma Kurdistanê, Nêçîrvan Barzanî tekez kir, ku rewşa welat dixwaze ku kêşeyên Herêma Kurdistanê û Hikûmeta Federal a Iraqê bêne çareserkirin û hêvî kir, li gel hikûmeta Mistefa Kazimî li ser bingeha destûrê bigihin çareseriyê.
Li gor daxuyaniyê, di beşeke din a civînê de, behsa bihêzbûna DAIŞê û êrîşên wan hat kirin, û herdu aliyan tekezî li ser pêwîstiya hebûna mekanîzmeke hevkarî û hemahengiya rûbirûbûna vê metirsiya ciddî ya di navbera Herêma Kurdistanê û hikûmeta Federal de kirin.
Konsulê Giştî yê Brîtanyayê yê li Hewlêr, James Thornton jî ragihand, ku Brîtanya dixwaze peywendiyên xwe li gel Iraqê û Herêma Kurdistanê biparêze û pêş bixe.
James Thornton herwiha hêvî kir, ku kompanyayên Brîtanî bikarin li Herêma Kurdistanê derfeta kar û veberhênan û sermayeguzariyê bi dest ve bînin û di jêrxan û warên cuda cuda yên din de karê hevbeş bikin.
Mijareke din a civîna Serokê Herêma Kurdistanê û Konsulê Giştî yê Brîtanyayê, bernameya kar ya hikûmeta Iraqê bû. Herdu aliyan tekez kirin ku piştgîriya Serokwezîr Mistefa Kazimî dikin.
Herdu aliyan behsa rewşa navxwe ya Herêma Kurdistanû û proseya reformê li herêmê jî kirin û piştevaniya xwe bo encamdana reforman li Herêma Kurdistanê nîşan dan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse