Hewlêr (Rûdaw) - Konsulxaneya Giştî ya Amerîkayê ya li Hewlêrê ragihand ku ew pabend dibin bi rawestana li gel Pêşmerge û hêzên ewlekariyê yên Iraqê ji bo bidawîkirina DAIŞê.
Konsulxaneya Amerîkayê daxuyaniyek belav kir û serxweşî arasteyî Hikûmeta Herêma Kurdistanê û malbatên wan Pêşmergeyan kirin ku di êrişa Pirdê de şehîd bûn.
Di daxuyaniya Konsulxaneya Amerîkayê de tekezî li ser “têkbirina DAIŞê bi temamî” tê kirin û tê diyarkirin ku ew dê berdewam bin li ser rawestana li gel Pêşmerge û hêzên din ên ewlekarî yên Iraqê.
Demjimêr 12.30 şeva roja 1ê vê mehê, li nêzikî gundê Qayebaşî li Pirdê, çekdarên DAIŞê êrişî xaleke Pêşmerge kirin û şer derket.
Di encama wê êrişa DAIŞê de 3 Pêşmerge şehîd bûn û 2 Pêşmerge jî birîndar bûn.
Piştî wê êrişê, Serokê Herêma Kurdistanê Nêçîrvan Barzanî daxwaz ji hikûmeta federalî ya Iraqê û Hevpeymaniya Navdewletî ya Dijî DAIŞê kir bo ku hêzeke hevbeş li navçeyên nakokî li ser, bê avakirin bo rêgirtina êrişan û zêdetir bihêzbûna DAIŞê.
Serokwezîrê Herêma Kurdistanê Mesrûr Barzanî di peyamekê de li ser êrişê ragihand, DAIŞ mijûlî xwebirêxistinkirinê ye û hê jî metirsiyeke rasteqîne ye, taybet jî li navçeyên Kurdistanî yên li derveyî îdareya Herêma Kurdistanê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse