Li Raniye polîsekî xwe kuşt

Raniye (Rûdaw) – Li bajarokê Serkepkanê yê Raniye li parêzgeha Silêmaniyê ya Herêma Kurdistanê, polîsekî parastina daristanê xwe kuşt.

Îro (02.05.2013) danê êvarê li bajarokê Serkepkanê yê devera Raniye, polîsekî parastina daristanê li nav ofîsa xwe de xwe kuşt.

Derheqê bûyerê de berpirsê ragihandinê yê polîsê Raniye Mistefa Mihemed ji Rûdawê re got, “Saet 18:00ê îro, polîsekî parastina daristanê di dema karê fermî de gulleyek berda serê xwe û xwe kuşt.”

Mihemed diyar kir ku lêkolîn û lêpirsîn derbarê bûyerê de destpêkiriye.

Navê wî polîsî Hêriş Elî ye û sala 1981ê li gundê Cinîran li devera Hîran a Şeqlawe ya Hewlêrê ji dayik bûye û bavê 3 zarokan e.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger