Amed (Rûdaw) - Bi pêşengiya Şaxa Egîtîm-Senê ya Amedê dê 12-13ê Nîsanê bi navê “Di perwerdeya bi zimanê zikmakî de ber bi çareseriyê ve: Derfetên heyî, astengî, pêşniyarî” komxebatek were lidarxistin.
Şaxa Egîtîm-Senê ya Amedê bi armanca dabînkirina wekheviya di perwerdeyê û aştiya civakî de dê komxebatê li dar bixe.
Komxebata ku dê 12-13ê Nîsanê li Navenda Kongre û Çandê ya ÇandAmedê were sazkirin, bi beşdariya nûnerên saziyan were lidarxistin û li ser medyaya civakî jî were weşandin.
Hevserokê Şaxa Egîtîm-Senê ya Amedê Serhat Kiliç di konferansa çapemeniyê ya ji bo ragihandina komxebatê de axivî û got:
“Em dixwazin di vê komxebatê de nêrînên xwe yên li ser pêvajoya aştiyê ji perspektîfeke cuda parve bikin û ji herêmê li mijaran binêrin û vê jî bi gelek sazî û kesên cuda re nîqaş bikin.
Em dizanin ku ji bo pêkanîna aştiyeke mayînde, divê hemû partiyên wê civakê û gelên wê xwe bi hemû rastiyên xwe ve bibînin.
Ev rastî çand e, dîrok e, ziman e, heta jiyan bi xwe ye.”
🔴Bi pêşengiya Şaxa Egîtîm-Senê ya Amedê dê 'Komxebata Perwerdeya bi Zimanê Zikmakî' were lidarxistin
— RudawKurdi (@RudawKurdi) April 2, 2025
📣Hevserokê Şaxa Egîtîm-Senê ya Amedê Serhat Kiliç:
🎙️ “Em dixwazin perwerdeya bi zimanê dayîkê bibe rojeveke sereke”
🎙️ “Mamosteyên Kurdî dê beşdarî komxebatê bibin”
🎙️ “Ji… pic.twitter.com/1T4qv5IgP0
Bernameya komxebatê wiha ye:
Rûniştina Yekem
Qeyd: 09:00-10:00
Axaftina Vekirinê: 10:00- 10:15
Di Hiqûqa Tirkiyeyê de Pirsgirêka Perwerdeya Bi Zimanê Zikmakî: Prz. Muslum DALAR / Baroya Amedê
Di Hiqûqa Navneteweyî û Metnên Wê de Palpiştên Perwerdeya Bi Zimanê Zikmakî: Prz. Serhed HEZER/OHD
Di Serdema Nêz a Tirkiyeyê de Nîqaşên di Qada Polîtîk û Zagonî yên li ser Perwerdeya Bi Zimanê Zikmakî de: Prz. Cemîle TURHALLI
Moderator: Salîha ZORLU
Rûniştina Duyem
Saet: 11:45-13:30
Wekî Azîneyeke Şikandina Zimên, Perwerdeya Bi Yekzimanî: Prof. Dr. Fatma GOK
Asîmîlasyon û Rêbazên Serederîkirina Pê Re: Dr. Dilawer ZERAQ
Li Ser Derûniya Civakî, Bandora Tunebûna Perwerdeya Bi Zimanê Zikmakî: Dr. Azad DILDAR
Moderator: Fatma BUDAK GULER
Rûniştina Sêyem
Saet: 14:30-16:00
Ji Aliyê Wekheviya Zimanan de Bandora Hebûna Mafê Zimên Li Ser Aştiya Civakî:
Cerebeyên Îrlandaya Bakur, Skoçya û Kanadayê: Prof. Dr. Robert Douglas DUNBAR (Zanîngeha Edinburgê)
Cerebeya Herêma Baskê ya Spanyayê: Dr. Paul Bilbao SARRIA
Moderator: Duygu OZBAY
Rûniştina Çarem
Saet: 16:00-17:30
Rewşa Niha Ya Zaravayan (Kurmancî-Dimilî) Li Herêma Me û Polîtikayên Pêşdexistina Wan: Samî TAN û Mamoste Malmisanij
Rewşa Niha ya Zimanên Din (Siryanî) Li Herêma Me û Polîtikayên Pêşdexistina Wan: Serokê Konfederasyona Komeleyên Siryanan Evgîl TURKER
Moderator: Stran JIYAN
Rûniştina Pêncem
Saet: 10:00-11:30
Nêrîneke Rexneyî Li Ser Cerebe û Modelên Cîhanê Yên Li Ser Perwerdeya Bi Zimanê Zikmakî: Zimanzan Haydar DILJEN
Wekî Modeleke Xweser, Modela Perwerdeya Demokratîk: Yildirim ARSLAN
Di Civaka Demokratîk a Li Ser Rista Jina Azad De Perwerde: Fîgen ARAS KAPLAN (Akademiya Jinan)
Moderator: Serwer OZER
Rûniştina Şeşem
Saet: 11:45-16:30
Nirxandina Saziyan û Kursiya Azad
Moderator: Fesîh ZÎREK
Saet: 17:00
Girtin: Parvekirina Pêşraporê
