Hewlêr (Rûdaw) - HREê ragihand ku, li Efrînê 6 çekdarên ser bi Tirkiyê hatine kuştine.
Hêzên Rizgariya Efrînê (HRE) ragihand ku li gundê Omera, gundê Birc Heyderê û taxa Mehmûdiyê ya bajarê Erfrînê, wan êrîşî pêgehên artêşa Tirkiyê û grupên çekdar ên girêdayî wê, kirine.
Li gor daxuyaniya hatiye belavkirin di encamê de, 6 çekdar hatine kuştin û çekdarek jî birîndar bûye û herwiha wesayîteke leşkerî ya çekdaran jî hatiye têkşikandin.
Herweha Artêşa Tirkiyê û çekdarên girêdayî wê, ji serê sibehê ve, gundên navçeya Şêrawa yên Efrînê topbaran dikin.
Li gor çavkaniyên xwecihî, topbarana artêşa Tirkiyê û çekdaran, li Şêrawa berferehtir bûye û yek ji wan gundên ku hatiye topbarankirin gundê Ziyaratê ye.
Derbarê encamên topbaranê de heta niha ti zanyarî nehatine belavkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse