PDK-S binpêkirinên li Efrînê şermezar kir

Hewlêr (Rûdaw) – Partiya Demokrata Kurdistanê li Sûriyê (PDK-S) girtina endamê komîteya xwe ya navendî û girtin û binpêkirnên din li Efrînê şermezar kir.

Di daxuyaniyê ku kopiyek jê ji Rûdawê re hate şandin, PDK-S girtina endamê komîteya xwe ya navendî Hisên Îbiş û girtin û binpêkirnên din li Efrînê şermezar kir.

PDK-Sê, daxwaz kir ku yekser ew serbest werin berdan.

Li gor daxuyaniya PDK-Sê, desthilata niha ya li Efrînê,  bi piştevaniya hikûmeta Tirkiyê xelkê digirin û bi awayekî eşkere mal û milkê wan li Efrînê talan dikin.

Endamê Komîteya Navendî ya PDK-Sê Hisên Îbiş û Serokê Encûmena Xwecihî ya ENKSê li Efrînê, roja 31ê meha derbasbûyî li ser destê polîsên serbazî yên desthilata Efrînê hatibû girtin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger