Feysel Yûsif li Qamişlo hat girtin

Qamişlo (Rûdaw) - Kordînatorê Giştî yê Tevgera Çaksaziya Kurd li Sûriyê û endamê serkirdetiya giştî ya ENKSê li Qamişlo Feysel Yûsif hat girtin û ji bo cihekî nediyar hate birin.

Rêxistina DAD a mafê mirovan bi daxuyaniyekê ragihand ku berbanga îro 2yê Nîsanê çend çekdarên nenas Fêsel Yûsif revandine û ji bo cihekî nediyar birine.

Li gorî daxuyaniya Rêxistina DAD, Feysel Yûsif ji mala wî li bajarê Qamişlo hatiye revandin û çarenivîsa wî serkirdeyê Encumena Niştîmanî Kurd li Sûriyê (ENKS) ne diyar e.

Rêxistina DAD diyar kir ku berdewamiya girtina siyasetmedar û çalakvanan li herêmên Rêveberiya Xweser cihê mixabiniyê ye.

Rêxistina navborî bang li aliyên xwecihî û yên pêwendîdarê berevaniya mafê mirovan ên herêmî û cîhanî kir ku bi lez têkevin nava tevgerê ji bo ku çarenivîsa Feysel Yûsif bê aşkerekirin û yekser serbest were berdan.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger