Li Erzerom û Qersê dîsa berf bariya

Hewlêr (Rûdaw) - Li parêzgehên Erzerom û Qersê yên Bakurê Kurdistanê di destpêka meha Adarê de dîsan berf bariya.

Li piraniya parêzgehên Bakurê Kurdistanê bi destpêkirina demsala zivistanê berfeke zêde bariya û bandoreke nerênî li jiyana welatiyan kir. Lê di çend rojên dawî de piştî zêdebûna pileyên germê li navend û navçeyan berf diweriya û rewş ber bi asayîbûnê ve diçû.

Lê li parêzgehên Erzerom û Qersê şeva borî dîsan berfê destpê kir û ser dar, mal û otomobîlan sipî kir. Li cihên bilind ên parêzgeha Erzeromê ji ber berfa zêde rêya 36 gund û gundikan hat girtin û bi armanca vekirina rê kar û xebatên şaredariyê berdewam in.

Li navçeya Qamuşan ser bi parêzgeha Qersê jî nêzîka 20 santimetre berf bariya ye û tîmên şaredariyê û îdareya taybet rê paqij kirin û xwê kirin.