Xazir - 12 navendên DAIŞê hatin jinavbirin
Hewlêr (Rûdaw) – Balafirên şer ên hevpeymanan bi dijwarî navendên çekdarên DAIŞê li Eniya Xazirê bombebaran kirin û 12 binkeyên wê rêxistinê jinav birin.
Serpireştê Hêza Pêşmerge li Eniya Xazir Arif Teyfûr di daxuyaniyekê de ji Rûdawê re ragihand: “Balafirên şer ên hevpeymaniya navdewletî ya li dijî DAIŞê bi dijwarî navendên çekdarên DAIŞê li Eniya Xazirê dane ber bombeyan.”
Arif Teyfûr got: “Balafiran binkeyên DAIŞê li gundên Til Eswed, Şaqolî û Şêx Emîr bombebaran kirin.”
Teyfûr da zanîn, “di encama bombebarana balafiran de 12 navendên çekdarên DAIŞê hatin jinavbirin.”
Serpireştê Hêza Pêşmerge tekez kir, ku êriş ji aliyê 2 balafirên hevpeymanan ve pêkhat û da xuyakirin, ku hejmara kuştî û birîndarên ne xuya ye, lê belê dibe ku zirarek mezin gihîştibe çekdarên wê rêxistinê.