Hewlêr (Rûdaw) - Serokê Herêma Kurdistanê Nêçîrvan Barzanî êrişa li eyaletê New Orleansê ya Amerîkayê bi tundî şermezar kir.
Li New Orleansê kesekî bi kamyonê da ser xelkê û di bûyerê de 15 kesan canê xwe ji dest da û 35 kes jî birîndar bûn.
Serokê Herêma Kurdistanê Nêçîrvan Barzanî li ser hesabê xwe yê Xê peyamek belav kir û ew êriş bi tundî şermezar kir.
Nêçîrvan Barzanî di peyama xwe de nivîsiye:
"Ez bi tundî êrişa li ser xelkê bêguneh ê New Orleansê şermezar dikim.
Bîr û duayên min li gel wan kesan e ku ji ber vê kiryara hovane bûne qurbanî.
Em di vê dema zehmet de li gel gelê Amerîkayê ne."
Kesekî bi navê Şemsedîn Cebar êvara çarşemê, bi kamyonê da ser xelkê û di encamê de 15 kssan canê xwe ji dest da û 35 kes jî birîndar bûn.
Rayedarên Amerîkayê ew êriş wekî êrişeke terorîstî bi nav kir.
Li gorî agahiyên FBIyê, Şemsedîn Cebarî 42 salî ye, welatiyê Amerîkayê ye û li eyaleta Texasê mezin bûye û 10 salan di nava artêşa wî welatî de xizmeteke leşkerî kiriye.
Her wiha berpirsên FBIyê dibêjin, li pişt komyona êrişkarî alayeke DAIŞê hatiye dîtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse