Hewlêr (Rûdaw) - Xwendekarên keç ên Zanîngeha Îdirê yên li şevîmana zanîngehê dimînin, şert û mercên xirab ên şevîmanê protesto kirin.
Li Zanîngeha Îdirê ya li Bakurê Kurdistanê, xwendekarên keç ên şevîmanê (xewgeh/cihê ku xwendekar lê dimînin) ji şert û mercên cihê şevîmanê nerazî ne.
Xwendekarên keç ên zanîngehê, bi sedema ku li şevîmanê ava paqij û germ nîne û xwarin gelekî xirab in, li nav şevîmanê çalakiyek kir û diruşmên “rêveberî îstifa” bilind kirin.
Xwendekaran bi dirûşman daxwaza baştirkirina şertên şevîmanê kir.
Xwendekarên keç herwiha ragihand ku “dema çûn û hatina nav şevîmanê rûbirûyî destdirêjiya devkî û fizîkî” dibin.
Li Tirkiye û Bakurê Kurdistanê, demeke pirsgirêkên şevîmanên zanîngehan di rojevê de ne.
Li piraniya şevîmanan pirsgirêkên asansoran çêdibin û xwendekar ji serma û xwarinan gazinan dikin.
25ê Çiriya Pêşîna 2023yan jî xwendekara Zanîngeha Adnan Menderesê Zeren Ertaş, di asansora Şevîmana Keçan a Guzelhisarê ya li bajarê Aydinê yê Tirkiyeyê de asê mabû û canê xwe ji dest dabû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse