Ormiye (Rûdaw) – Ev du roj in elektrîka bajarê Pîranşarê yê Rojhilatê Kurdistanê ji ber berf û bahozê qut bûye. Nûnerê Pîranşarê di parlamentoya Îranê de jî ji ber vê yekê bang li Wezîrê Enerjiya Îranê kir, dest ji kar berde!
Ev du roj in berf û bahozek giran bi ser Rojhilat, Başûr û Bakur bi taybet deverên sînorî de vegirtiye. Li hinek cihan bilindiya berfê gihîştiye 2 metreyan, gellek kes di rêyan de asê mane, rêya gellek gund û bajarokan hatiye girtin.
Li bajarê sînorî yê Pîranşarê jî berfek giran bariye û bahoz û bagerê jiyana rojane nivîşkan kiriye.
Li gorî agahiyan, ev du roj in elektrîa Pîranşarê ji ber berf û seqemê qut bûye û bajar di tariyê de maye.
Nûnerê baarên Pîranşar û Serdeştê di parlamentoya Îranê de Resûl Xizrî ev arîşe bir parlamentoyê û bi tundî rexne li Wezîrê Enerjiya Îranê kir.
Resûl Xizrî diyar kir ku tevahiya xelkê Pîranşarê di tarîtî û sermayê de man lê Wezîrê Enerjiyê tiştek nekiriye ji bo wê arîşeyê.
Xizrî li Wezîrê Enerjiyê hêrs bû û got, eger nikare arîşeya elektrîkê çareser bike bila dest ji kar berde.
Li gorî rayedaran, kablo û hêlên elektrîka Pîranşarê qerisîne ji ber wê jî elektrîka bajêr qut bûye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse