Hewlêr (Rûdaw) - Alî Çevenê ku di roportajeke kolanê de gotibû “Ez ne Tirk im” hat girtin.
Serokê Komeleya Pêşengên Kurd Alî Çeven di roportajeke kolanê de gotibû “Ez ne Tirk im” û paşê bûbû hedefa êriş û tehdîdan.
Çeven piştî wê roportajê hatibû desteserkirin lê paşê hatibû berdan.
Suphî Ozgenê parêzerê Alî Çeven bi rêya hesabê xwe yê Xê got, “Alî Çeven dema hatiye desteserkirin lêdan xwariye.
Em dê bibin gilîdar çimkî miameleya xerab qedexe ye.”
Suphî Ozgen da zanîn ku Çeven bi hinceta propagandaya PKKyê hatiye girtin.
Parlamentera DEM Partiyê ya Erziromê Meral Daniş Beştaşê jî got:
“Ji ber ku got, ‘Ez ne Tirk im’ du caran hat desteserkirin, rastî miameleya xerab hat û hat girtin. Ma gotineke din hewce dike?”
“Kurd çi dixwazin?”
Parlamenterê DEM Partiyê yê Kocaeliyê Omer Faruk Gergerlîoglu jî berteka xwe wiha anî zimên:
“We hema ji min dipirsî û digot, ‘Kurd çi dixwazin?’
Alî Çeven hewl dide behsa xwestekên Kurdan bike.
Bi caran hat desteserkirin, lêdan xwar û paşê jî hat girtin.”
“Mesele ne PKK ye”
Ferhat Encu jî diyar kir ku Alî Çeven li dijî PKK û DEM Partiyê ye û got:
“Ew berê Tirkparêz bû. Bi awayekî zelal tê fêhmkirin ku mesele ne PKK ye.
Tu kî bî jî dema te nasnameya Tirbûnê red kir tu rastî şideta vê zîhniyeta faşîst û înkarker tê.
Divê êdî Kurd biqîrin û bibêjin ‘Ez ne Tirk im, ez Kurd im.’
Dê rûmeta mirovahiyê zora şkenceyê bibe.”
Ali Çeven PKK ve DEM Parti karşıtlığı ile bilinen biri. Daha önce de Türkçü idi. Birkaç yıldır bir dönüşüm yaşamış. Son yaptığı röportajda “ben Türk değilim” deği için gözaltına alınmıştı. Sonra serbest bırakıldı. Irkçı faşist Türkçüler tekrar hedef gösterip tekrar gözaltına… pic.twitter.com/PU7xFiSfxG
— Ferhat Encu (@FerhatEncu) November 1, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse