AMED - Serokê 'Komeleya Şehîd û Xaziyan' ji ber esrarê hat girtin

Hewlêr (Rûdaw) - Serokê "Komeleya Alîkarî û Hevkariyê ya Şehîd û Xaziyan a Amedê" Şahîn Aslan ji ber bazirganiya madeyên hişbir hat girtin.

Hefteya borî otomobîla Şahîn Aslan li ser rêya Amed-Rihayê li xala kontrolê ya Cendirmeyan a Qirxaliyê hat rawestandin.

Di encama lêgerîna di otomobîlê de 50 kîlo esrar hat girtin.

Şahîn Aslan dawiya hefteyê li Fermandariya Cendirmeyan a Amedê îfadeya xwe da.

Hêzên ewlehiyê piştî karên îfadewergitinê Şahîn Aslan veguhast Dadgeha Amed. 

Dadgeha Amedê derbarê Şahîn Aslan de bi tohmeta “bazirganiya madetên hişbir” biryara girtinê da û ew şand girtîgehê.

Herwiha dadgehê derbarê dosyeya Aslan de biryara nihênîbûnê da.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger