Sêrt (Rûdaw)- Mezintirîn dengdêr di van hilbijartinên Tirkiyê de li navçeya Îruh a ser bi bajarê Sêrtê yê Bakurê Kurdistanê bû, ku kurdekî 130 salî bû.
Mihemed Hesen bi alîkariya neviyên xwe çû ser sindoqê û dengê xwe da. Wî di van hilbijartinan de jî hêvî xwest ku, birayetî di navbera kurd û tirkan de têk neçe û aştî di navbera wan de hebe.
Hesen ku temenê wî 130 sal e, li gundê Gedîkkeşar ê ser bi navçeya Îruhê ve dijî û di hemû hilbijartinan de beşdar bûye.
Mihemed Hesen tevî ku nikare li ser lingê xwe raweste, lê dîsa rijd bû di beşdariya hilbijartinan de û neviyên wî rahiştênê heta dengê xwe bavêje sindoqa 1044.
Wî kalî piştî dengdanê wiha got: “Hemû misilman bira ne. Bo çareserkirina vî şerî gerek em vegerin quran û sunetê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse