Hewlêr (Rûdaw) - Serokatiya Herêma Kurdistanê êrişa îro ya li Enqereyê şermezar kir.
Îro li ber Wezareta Karên Navxwe ya Tirkiyeyê êrişek hatibû kirin.
Serokatiya Herêma Kurdistanê, bi daxuyaniyekê ev êriş şermezar kir.
Serokatiyê di daxuyaniya xwe de got:
“Teror û tundî tehdîdeke cidî ye ku aramî û ewlehiya herêmê dixe metirsiyê.”
Serokatiya Herêma Kurdistanê herwiha ji bo “nehiştina terorê” bal kişand ser pêwîstiya hevkarî û hevahengiyê.
Çi bûbû?
Wezîrê Karên Navxwe yê Tirkiyeyê Alî Yerlîkaya li ser hesabê xwe yê tora civakî ragihand ku demjimêr derdora 09:30î 2 kesan bi otomobîlekê êriş pêk aniye.
Yerlîkaya daxuyand ku yekî ji wan “xwe teqandiye” û yê din jî “ji aliyê hêzên ewlehiyê ve hatiye kuştin”.
Alî Yerlîkaya ragihand ku êrişa bombeyî de 2 polîs birîndar bûne.
Li aliyê din, HPGyê da zanîn ku êriş ji aliyê Tabûra Nemiran ve hatiye encamdan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse