Navenda Nûçeyan – Li navçeya Qoserê ya ser bi Mêrdînê ya Bakurê Kurdistanê, navên Kurdî yên 3 taxan bi biryara Encûmena Şaredariyê hatin guhertin.
Şaredariya Qoserê li ser malpera xwe ya fermî ragihand ku navên Aştî, Berçem û Medya yên 3 taxên navçeya Qoserê bi biryara Encûmena Şaredariyê hatine guhertin.
Li gor daxuyaniya şaredariyê, navê taxa Berçem kirine Şahkulubey, navê taxa Aştî kirine Yenîkent û navê taxa Medya jî kirine Selahedîn Eyûbî.
Hêjayî gotinê ye ku Wezareta Navxweyî ya Tirkiyê di 6ê Kanûna 2016an de, Qaymeqamê Qoserê Ahmet Odabaş bo Şaredariya Qoserê weke qeyûm danîbû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse