Hewlêr (Rûdaw) - Li parêzgeha Mûşê ya Bakurê Kurdistanê di 2 bûyerên trafîkê de 2 kesan canê xwe ji dest da û 7 kes jî birîndar bûn.
Li ser rêya Mûş û Çewlîgê li nêzîkî Pira Muratê otomobîla ku Îsa Turk şofêrtiya wê dikir li barhilgira ku dixwest bizivire qelibî.
Di bûyerê de jina bi navê Saniye Karadag a di otomobîlê de canê xwe ji dest da, tevî şofêr, Şevval û Merve Başak, Havvanur û Hayrunîsa Turk birîndar bûn.
Tîmên tendirustiyê yên çûn cihê bûyerê birîndar veguhastin Nexweşxaneya Dewletê ya Mûşê.
Di bûyereke din a trafîkê de otomobîlekê li keriyê pez da û kamyonetekê jî ji paş ve li heman otomobîlê xist.
Di bûyerê de kesekê canê xwe ji dest da û 2 kes birîndar bûn.
Li ser rêya di navbera Mûş û Çewlîgê nêzîkî gundê Gomsê otomobîlekê li keriyê pez xist.
Kamyoneta ku barê wê ka bû jî ji paş ve li otomobîlê da û piştre li keriyê pez jî da.
Di bûyerê de Salîha Bagliyê canê xwe ji dest da, 2 kes jî birîndar bûn.
Tîmên tendirustiyê yên çûn cihê bûyerê her du birîndar veguhastin Nexweşxaneya Dewletê ya Mûşê.
Di bûyerê de hejmareke zêde ya ajelan jî mirar bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse