Bavê xwe û hevala wî bi çifteya nêçîrê kuştin

Hewlêr (Rûdaw) – Li navçeya Hesenqeleyê ya parêzgeha Erziromê ya Bakurê Kurdistanê kesekî bavê xwe û hevala wî bi çifteya nêçîrê kuştin.

Li gorî agahiyan, R.K. (56) û hevala wî F.K. (36) li çoltera navçeyê çûbûn seyranê.

E.K. (31) çû cem wan û navbera wan de nîqaşek çêbû.

Piştî ku nîqaşa wan gur bû E.K. (31) bi çifteya nêçîrê fîşek berdan bavê xwe û hevala wî.

E.K. (31) piştre xeber da hêzên ewlehiyê û li cihê bûyerê xwe radestî wan kir.

Tîmên tenduristiyê tesbît kir ku R.K. û hevala wî F.K. li cihê bûyerê mirine.

Her du term ji bo otopsiyê birin Saziya Tiba Dadî ya Erziromê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger