Kurdistan
5 kesên bi hinceta govend û stranên Kurdî hatibûn desteserkirin hatin berdan / Wêne: Arşîv
Hewlêr (Rûdaw) - Li navçeya Pîranê ya Ameda Bakurê Kurdistanê, 5 kesên bi hinceta govend û stranên Kurdî hatibûn desteserkirin hatin berdan.
Demên dawiyê li Tirkiye û Bakurê Kurdistanê gelek kes tên girtin ku di dawetan de govendê digerînin an jî stranên bi Kurdî dibêjin.
Hêzên ewlehiyê “propagandaya PKKyê” dikin hincet û xelkê desteser dikin.
Îro jî li navçeya Pîranê ya Amedê 5 kes bi heman hincetê hatin desteserkirin.
Herwiha ji bo desteserkirina 2 kesên din xebatên hêzên Tirkiyeyê berdwam dikin.
Kesên hatin desteserkirin şandin Dozgeriya Komarê ya Amedê.
Piştî karên îfadewergirtinê dadgehê biryar da ew 5 kes bi şertê kontrola edlî bên berdan.
Li hêla din, ev kiryarên Tirkiyeyê yên demên dawiyê rastî bertekên tund ên Kurdan tên.
Li ser torên civakî bi taga “#EmBernadinVêDîlanê” gelek dîmenên govendên Kurdî tên belavkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse