Dîmenên ku ji Rûdawê re hatine şandin
Hewlêr (Rûdaw) - Dîmenên kamp, komelgeh û konên Ereb û Tirkmenên hawirde yên ku li herêma Efrînê ya Rojavayê Kurdistanê bi cih bûne hatin belavkirin.
Dîmen ji devera di navbera gundên Birc, Xezêwî û Şadêrê de yên li başûrê bajarê Efrînê ne û ji Tora Medyayî ya Rûdawê re hatine şandin.
Zêdebûna hejmara komelgeh û kampên Ereb û Tirkmenên hawirde, mijara podcasta Çavê Sêyem a vê hefteyê bû.
“Kamp ji 600 malbatî re tê çêkirin”
Yasanas û siyasetmedar Ednan Mûrad Mistefayê ku mêvanê podcasta Çavê Sêyem bû li ser çêkirina kampan got:
“JKamp i 600 malbatî re tê çêkirin. Sibe ji 600î wê bibe hezar û wê bibe 2 hezar.”
Tenê li nahyeya Mabatayê ya Efrînê 10 kampên Ereb û Tirkmenên hawirde hene.
Ji wan kampan 8 ên fermî ne û 805 malbat di wan kampan de hatine bicihkirin.
2 kampên din jî li devereke Mabatayê hene lê ew nefermî ne û 70 malbat di her du kampan de bicihkirî ne.
Mêvanê podcasta Çavê Sêyem destnîşan kir ku 500-600 hezar Erebên hawirde li Efrînê di mal, kamp û komelgehan de hatine bicihkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse