Hewlêr (Rûdaw) – Li Ameda Bakurê Kurdistanê mînîbusekê li du birayan xist. Yek ji wan mir û yê din birîndar e.
Mînûbusa veguhastina nav bajêr, li Taxa Mesut Yilmazê li Ahmet M. (45) û kekê wî Mehmet M. (53) xist ku wan dixwest derbasî aliyê din ê rê bibin.
Piştî xeberdayîna kesên li derdorê polîs û tîmên tenduristiyê çûn cihê qezayê.
Tîmên tenduristiyê birayên birîndar rakirin Nexweşxaneya Perwerde û Lêkolînê ya Gazî Yaşargîlê.
Ahmet M. nehat rizgarkirin û li nexweşxaneyê mir û tedawiya Mehmet M. berdewam dike.
Li hêla din, keça Ahmet M. ya bi navê Semanur jî dema qezayê li cem bavê xwe û apê xwe bûye lê tiştek bi wê nehatiye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse