Hewlêr (Rûdaw) - Serokê Herêma Kurdistanê Nêçîrvan Barzanî bi helkefta 48emîn salvegera damezrandina YNKê bi telefonê peywendî bi Seorkê YNKê Bafel Talebanî kir û çend peyam gihandin wî.
Di wê peywendiya telefonî de, Serokê Herêma Kurdistanê Nêçîrvan Barzanî pîrozbahî li Serokê Yekîtiya Niştimanî ya Kurdistanê Bafel Talebanî, li Encûmena Bilind a Siyasî û Berjewendiyan, Polîtburo, Serkirdayetî û hemû endam û alîgirên YNKê kir û hêviya serkeftinê ji wan re xwast.
Nêçîrvan Barzanî, herwiha behsa xebat û dîroka YNKê kir û pêgeh û rola xwedêjêrazî Serok Mam Celal bi bîr anî û hêvî kir ku ev bîranîn bibe handerê tifaq, pêkvebûn û yekrêziya aliyên siyasî bi taybetî PDK û YNK.
Serokatiya Herêma Kurdistanê daye xuyakirin ku di wê peywendiya telefonî de, Serokê YNKê Bafel Talebanî bi navê xwe û serkirdayetiya YNKê kêfxweşiya xwe ji bo pîrozbahî û peywendiya li gel Serokê Herêma Kurdistanê nîşan daye û hêviya serkeftinê jê re xwestiye.
Yekîtiya Niştimanî ya Kurdistanê (YNK) di 1ê Hezîrana 1975ê de hatiye damezrandin û piştî Partiya Demokrata Kurdistanê (PDK) duyemîn partiya mezin a Herêma Kurdistanê ye.
Di Parlamentoya Kurdistanê de jî ji 111 kursiyên parlamentoyê, YNK xwediyê 21 kursiyan e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse