Hewlêr (Rûdaw) - Nêçîrvan Barzanî, rêkeftinnameya di navbera Hikumeta Herêma Kurdistanê û Hikumeta Iraqê de îmzekir.
01.05.2013an danê piştî nîvro Serokwezîrê Herêma Kurdistanê Nêçîrvan Barzan ew rêkeftinnameya ku berî 2 rojan li gel Nûrî Malikî Serokwezîrê Iraqê li ser rêkeftibûn, îmze kir.
Li gor naveroka rêkeftinnameyê, Hikumeta Iraqê ji bo ku niyeta xwe a baş bo cîbicîkirina rêkeftinê nîşanbide, wê kesûkarên Şehîdên Kurdistanê û Enfalkiriyan û herwiha xêzana wan penaberan qerbûbike ku ji ber şeran ji Başûrê Kurdistanê berê xwe dabûn Iranê.
Di beşeke din a Rêkeftinê de hatiye, ku wê komîteyeke Ewlekariyê a hevbeş li navçeyên veqetiyayî were pêkanîn û bi vê yekê jî rola Fermandeya Operasyonên Dîcle li wan navçeyan namîne.
Nêçîrvan Barzanî wê paş demek kin, kongreyeke rojnamevanî sazbike û têde agahyên zêdetir derbarê rêkeftinnameyê ragehîne.
Li gor agahiyên Rûdawê, paş îmzekirina rêkeftinnameyê, wê di heyamê 10 rojan de, Nûrî Malikî seredana Herêma Kurdistanê bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse