Hewlêr (Rûdaw) - Rêveberiya Xweser a Rojavayê Kurdistanê bi boneya Cejna Ekîtoyê peyamek belav kir.
Rêveberiya Xweser bi minasebebeta Cejna Ekîtoyê peyamek belav kir û Cejna Ekîtoyê ya Xirîstiynan pîroz kir.
Di peyama Rêveberiya Xweser de wiha hat gotin:
“Ev cejna ku heta roja me ya îro tê pîrozkirin semboleke dîrokî ye û resenehiya pêkhateyên Sûriyeyê nîşan dide.
Hilbijartina sala nû bi destpêka biharê û nûbûna xwezayê re xwedî wateyên kûr e.
Rêveberiya Xweser a Demokratîk a Herêma Bakur û Rojhilatê Sûriyeyê bi tevahî saziyên wê bûye garantiya mafên tevahî pêkhateyan û berdewama wan a bi hemû çand û zimanên wan li ser axa wan e.
Rêveberiya Xweser giyanekî nû dide gelên herêmê. Maf û azadiyên tevahî pêkateyên neteweyî û olî yên herêmê mîsoger dike.
Rêveberiya Xweser modeleke nûjen a jiyana hevbeş ava kiriye.
“Rêveberiya Xweser, maf û azadiyên neteweyî û olî yên herêmê mîsoger dike”
Em hewl didin ku bibe modela nû ya Sûriyeyê, nemaze ku em li pêşberî pêvajoya derbasbûnê ya avakirina Sûriyeya siberojê ne.
Ji bo mafên tevahî pêkhateyên Sûriyeye; Suryanên Asur, Ereb, Kurd û pêkhateyên din werin mîsogerkirin em tekez dikin ku divê tevahî pêkhate cihê xwe di pêdiviyên pêvajoyê de bigirin.
Divê di bin banê hemwelatîbûna wekhev a ku mafên hemûyan nas dike, ev pirrengî bê parastin.
Divê welatê ku em ava bikin divê azadiya jinan mîsoger dike, azadî, edalet û wekheviyê pêk bîne."
