Hewlêr (Rûdaw) - Li navçeya Onîkîşûbatê ya parêzgeha Mereşê ya Bakurê Kurdistanê otomobîlek ji kendal ket, kesek mir û 3 kes jî birîndar bûn.
Otomobîla ku Î.K. yê 44 salî diajot li nêzî gundê Kavkutê yê navçeya Onîkîşûbatê ji rê derket û di kendal de çû xwarê.
Di wê demê de Î.E.K. yê 11 salî ku ji otomobîlê pekiyabû otomobîlên ku di rê de derbas dibûn da rawestandin û alîkarî xwest.
Li ser agahdarkirinê cendirme, tîmên tenduristiyê û tîmên rizgarkirinê çûn cihê bûyerê.
Piştî xebata 3 saetan a tîman Î.K., dayik M.K. ya 34 salî, A.K. yê 14 salî yên ku di otomobîlê asê mabûn derxistin.
Di encama kontrola tîmên tenduristiyê de derket holê ku Î.K. canê xwe ji dest daye.
Tîmên tenduristiyê birîndar birin nexweşxaneyên cuda yên Mereşê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse