Hewlêr (Rûdaw) - Li parêzgeha Erzeromê ya Bakurê Kurdistanê ku navendeke sereke ya ajeldariyê ye, xelk di bin barîna berfê û sir û sermayê de ketine dorê daku kîloyek goştê erzan bikirin.
Li parêzgeha Erzeromê ev çend roj in berf dibare. Welatî roja Înê tevî barîna berfê û sir û sermayê li ber deriyê Saziya Şîr û Goşt a Tirkiyê ketine dorê daku kîloyek goştê li gor bazarê hinekî erzantir bo fitara xwe bibin nav malên xwe.
Li market û qesabxaneyan kîloya qîme di navbera 200 heta 250 lîreyan de ye û kîloyek goştê tike jî di navbera 250 heta 300 lîreyên tirkî de ye. Lê li Saziya Goşt û Şîr a Tirkiyê kîloyek qîme bi 100 lîre û kîloyek goşt jî bi 100 heta 150 lîryan tê firotin. Welatî ji bo ku bi van nirxên hinekî erzantir, goşt bikirin bi demjimêran li ber deriyê navendên Saziya Goşt û Şîr dikevin dorê.
Berdevkê Partiya Gel a Komarî (CHP) Faîk Oztrak dîmenê dora dûr û dirêj a welatiyên Erzeromê ya bo kirîna goştê erzan li ser hesabê xwe yê medya civakî belav kiriye û nerazîbûn nîşanî hikûmetê daye.
Faîk Oztrak dibêje: “Dîmenê sala 2023ê yê Tirkiyê ku hikûmeta 21 salî wek “serdema vejînê” binav dikir. Di sir, serma û zivistana Erzeromê de dora goştê erzan.”
Ji destpêka îsal ve bihayê goşt li Bakurê Kurdistanê û Tirkiyê zêdeyî ji sedî 50 hatiye zêdekirin.
21 yıllık hükümetin “şahlanış dönemi olacak” dediği 2023’den Türkiye manzarası.
— Faik Öztrak (@faikoztrak) March 31, 2023
Erzurum’un karında, kışında, buz gibi soğuğunda ucuz et kuyruğu. pic.twitter.com/LyHkqDinUZ
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse