Hewlêr (Rûdaw) - Serokê Herêma Kurdistanê Nêçîrvan Barzanî cejna Ekîto li Kildan, Aşûrî û Suryaniyan pîroz kir û got “Di vê helkeftê da em tekîdê li ser parastina wekheviyê, mafê mirovî, azadiyan û pêşdebirina çanda pêkvejiyan, hevduqebûlkirin û toleransê di navbera hemû pêkhateyên olî û neteweyî yên Kurdistanê da dikin.”
Serokê Herêma Kurdistanê Nêçîrvan Barzanî bi minasebeta hatina cejna Egîto ya Kildanî, Aşûrî û Siryaniyan peyamek belav kir.
Nêçîrvan Barzanî dibêje“ Sersala nû ya Babilî Aşûrî û Cejna Akîto li xuşk û birayên kildanî, asûrî û suryanî yên li Herêma Kurdistanê, Iraqê û li hemû cîhanê bi germî pîroz dikim. Ji wan re serkeftin û cejn û bênvedanek şad û aram dixwazim.”
Barzanî di berdewamiya peyama xwe de wiha got “Di vê helkeftê da em tekîdê li ser parastina wekheviyê, mafê mirovî, azadiyan û pêşdebirina çanda pêkvejiyan, hevduqebûlkirin û toleransê di navbera hemû pêkhateyên olî û neteweyî yên Kurdistanê da dikin, herwesa, em xûşk û birayên kirîstiyan û hemû pêkhateyan piştrast dikin ku Herêma Kurdistanê wek hertim dê niştimanê hemûyan bimîne.
Cejna Akito li hemûyan pîroz be, hemû salan bi xweşî be.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse